Til að átta sig á félagstengslum bekkjarins getur verið ágætt að teikna upp tengslanet. Hverjir tengjast hverjum, hverjir eru bestu vinir, hverjir eru kunningjar og hverjir eru stakir. Vanti kennara upplýsingar getur hann einnig spurt nemendurnar sjálfa, hverjum þeir tengjast helst innan bekkjarins. Meðfylgjandi er blað sem hægt er að nota til að teikna upp tengslanetið. Í kjölfarið er hægt að hrista saman hópinn, mynda skólavinahópa og passa að enginn nemandi sé alveg félagslega stakur.