Orð eru ævintýri er myndabók fyrir börn. Hún býður upp á tækifæri til að spjalla um orð daglegs lífs sem geta virkjað ímyndunarafl barna og verið uppspretta ævintýra og leikja.

Hún hentar vel til að efla orðaforða barna í leikskólum og nemenda sem eru að stíga sín fyrstu skref í íslensku sem öðru tungumáli.

👉 Hér má hlaða bókinni niður 👈

👉 Hér má hlaða spilaleiðbeiningunum niður 👈

Í Hugmyndabanka fyrir grunnskóla má finna fjölbreytta möguleika til notkunar á bókinni.

Efnið hentar m.a. vel í byrjendakennslu nemenda með íslensku sem annað tungumál.

Orð eru ævintýri – hugmyndabanki fyrir grunnskóla – íslenska sem annað

👉 Hér er hægt að hlaða hugmyndabankanum niður 👈

Í Hugmyndabanka fyrir leikskóla má finna fjölbreyttar og skapandi leiðir til að vinna með orðaforða bókarinnar Orð eru ævintýri og örva málnotkun barna.

Orð eru ævintýri – hugmyndabanki fyrir leikskóla

👉 Hér er hægt að hlaða hugmyndabankanum niður 👈

Á vefnum er að finna tungumálavefinn þar sem öll orðin í myndabókinni Orð eru ævintýri þýdd á átta tungumál og lesin upp á íslensku. Þar er einnig að finna orðaleiki, rafbókina Orð eru ævintýri og hugmyndabankana fyrir leik- og grunnskóla.

👆 Smelltu á myndina til að komast inn á Orðatorg 👆

Tungumálavefur hentar meðal annars vel í kennslu íslensku sem annars tungumáls. Efnið er þýtt á arabísku, dönsku, ensku, filippseysku, kúrdísku, pólsku, spænsku og úkraínsku.Á vefnum eru öll orðin í myndabókinni Orð eru ævintýri (skáletra) þýdd á átta tungumál og lesin upp á íslensku. Tungumálavefur hentar meðal annars vel í kennslu íslensku sem annars tungumáls. Efnið er þýtt á arabísku, dönsku, ensku, filippseysku, kúrdísku, pólsku, spænsku og úkraínsku.

👆 Smelltu á myndina til að komast á tungumálavefinn 👆

Mynda- og orðaspjöldin eru hluti af námsefninu Orð eru ævintýri og bjóða upp á ótal leiðir til að vinna og leika með tungumálið. Spjöldunum er skipt upp í níu þemu úr köflum bókarinnar.

Þau eru:

LÍKAMINN – 80 myndir og 40 orð
FÖT (Föt | Útiföt) – 98 myndir og 49 orð
HEIMILIÐ 1 (Heimilið | Eldhús) – 94 myndir og 47 orð
HEIMILIÐ 2 (Stofa | Herbergi | Forstofa | Baðherbergi) – 110 myndir og 55 orð
Í SKÓLANUM (Í skólanum | Listasmiðja) – 88 myndir og 44 orð
ATHAFNIR (Lærum og leikum | Gerum og græjum) – 104 myndir og 52 orð
ÍÞRÓTTIR OG TÓNLIST (Íþróttir | Tónlist) – 80 myndir og 40 orð
DÝR (Í sveitinni | Erlend dýr) – 80 myndir og 40 orð
FORM, LITIR, TÖLUR – 92 myndir og 46 orð

Að nota myndir, leiki og spil hentar vel í tungumálakennslu og er æskilegt aðvelja þemun í takt við þau efnisatriði sem verið er að þjálfa hverju sinni. Spjöldin eru hentug í vinnu með nemendum sem eru að læra íslensku sem annað tungumál og með leikskólabörnum. Einnig geta þau nýst fleiri hópum.

Kennsluhugmyndir fylgja efninu og flokkast þær undir málörvun, orðaforðaþjálfun, hlutverka- og hreyfileiki, ritunarþjálfun, samtalsleiki, flokkunarleiki og málfræðileiki.

spil_rodun_kassar

👉 Hér er hægt að hlaða leiðbeiningunum niður 👈

Myndaspjöld sem bjóða upp á endalausa möguleika til að vinna og leika með tungumálið. Um er að ræða opnumyndir úr myndabókinni Orð eru ævintýri. Til að auðvelda betur notkun þeirra er hver og ein opna á stórum spjöldum (A3) án orða/mynda sem eru á spássíum bókarinnar. Það getur reynst vel að hafa orðin ekki alltaf fyrir augunum þegar æfa á orðaforða og reyna þannig á minnið og ímyndunaraflið.

Spjöldin eru hentug í vinnu með nemendum sem læra íslensku sem annað tungumál og í starfi með leikskólabörnum. Einnig geta þau nýst eldri nemendum s.s. þeim sem þurfa á málörvun að halda.
Spjöldin bjóða upp á ótal leiðir til að vinna og leika með tungumálið. Kennsluhugmyndir fylgja efninu sem og hugmyndabankar sem nýta má með spjöldunum og þar eru leiðbeiningar um hverja opnumynd fyrir sig sem og örsögur sem nýta má sem kveikju að frekari vinnu með opnumyndina/spjöldin.