Bók og vefur fyrir alla sem vilja leggja sitt af mörkum til að stuðla að læsi barna. Í bókinni eru leiðbeiningar og skýringar á því hvernig beita skal hljóðlestraraðferð sem byggt er á.
Ísak Jónsson skólastjóri innleiddi þá aðferð hér á landi árið 1926. Herdís Egilsdóttir höfundur bókarinar og kennari og rithöfundur hefur kennt mörg hundruð börnum að lesa með þessari aðferð á þeim 45 árum sem hún kenndi við Skóla Ísaks Jónssonar.

Í bókinni og á vefnum eru ítarlegar leiðbeiningar og skýringar. Einnig er þar allur sá efniviður sem kennarinn þarf til lestrarkennslunnar. Hljóðsögur eru með hverjum staf og myndir, spurningar tengdar hljóðsögunni og hugmyndir að því hvernig best er að ræða við börnin og gera námið að skemmtilegum leik. Einnig vísur um hvern staf sem gaman er að syngja og stutt lesdæmi.