Það er enginn einn aldur réttur þegar kemur að því að stunda kynlíf með öðrum í fyrsta sinn. Það er margt sem getur haft áhrif á það hvenær einstaklingar eru tilbúnir og hvort aðstæður séu réttar. Listinn er ætlaður til að hjálpa ungu fólki að meta hvort það sé tilbúið að byrja að stunda kynlíf með öðru fólki. 

Þegar er verið að spyrja um getnaðarvarnir miðast þær spurningar að einstaklingum þar sem annar hvor aðilinn getur orðið óléttur. Það er, einn aðilinn er með typpi og hinn er með píku. Ef einhverjar spurningar eiga ekki við, t.d. að báðir einstaklingar eru með píku eða bæði með typpi og er ekki hætta á óléttu, þá er þeim bara sleppt.

Hvert ungmenni svarar fyrir sig en gott getur verið fyrir starfsfólk að benda þeim á að ef þau svara fleiri en tveimur spurningum neitandi þá eru þau líklega ekki alveg tilbúin til að byrja að stunda kynlíf með öðru fólki strax. Gott er að láta vita að þetta er ekki listi sem þau þurfa merkja með nafni og þetta sé ekki eitthvað sem þau skila inn til þín.