Nemendur velja sér tvær kvenpersónur – af samfélagsmiðlum, úr sjónvarpsþáttaröð, kvikmynd eða bók. Sagt er frá persónunni, mynd og heimild látin fylgja. Nemendur greina persónuna með tilliti til eftirfarandi hugtaka:
1. Hlutgerving
2. Karlaugað
3. Klámvæðing
4. Kvenfyrirlitning
5. Kynhlutverk
6. Normalísering (á hverju?)
7. Staðalmynd
8. Valdatengsl
Athugið að greiningin þarf að vera nákvæm og vel útskýrð svo við öll skiljum hvernig nemandinn er að hugsa greininguna. Það þarf að skilgreina hugtakið í greiningunni og beita því á viðkomandi viðfangsefni. Það er hægt að beita hugtaki þó svo að það eigi ekki við um myndina/týpuna – eins og ,,ekki er að finna klámvæðingu í týpunni því hún sýnir engar tilvísanir í klám, hvorki í hegðun né útliti heldur er…”