NýMið - Nýsköpunarmiðja menntamála
Nýsköpunarmiðja Menntamála (NýMið) hefur það hlutverk að veita starfsstöðum skóla- og frístundasviðs Reykjavíkurborgar stuðning og ráðgjöf við innleiðingu menntastefnunnar, stuðla að samstarfi við háskóla um starfsþróun og veita stuðning við þróun og nýsköpun í leikskólum, grunnskólum og frístundastarfi. NýMið tilheyrir skrifstofu SFS og vinnur í nánu samstarfi við leikskóla-, grunnskóla-, og frístundaskrifstofu, Mixtúru, Miðju máls og læsis, Miðstöð útivistar og útináms sem og aðra starfsstaði SFS.
Verkefni á vegum Nýsköpunarmiðju Menntamála
Fríða Bjarney Jónsdóttir
deildarstýra
Stuðningur, fræðsla og ráðgjöf við starfsstaði skóla- og frístundasviðs vegna innleiðingar menntastefnu. Kemur að starfsþróun, símenntun, ráðgjöf, nýsköpun og þróun skóla- og frístundastarfs í samstarfi við aðila innan og utan SFS.
Harpa Rut Hilmarsdóttir
Verkefnastjóri barnamenningar hjá SFS og MOF (Menningar- og ferðamálasviði).
Stýrir viðburðum og verkefnum sem tengja saman börn og menningu s.s. Skrekk, Barnamenningarhátíð og fleira. Miðlar upplýsingum, veitir ráðgjöf og stuðning um menningartengd verkefni.
Hjörtur Ágústsson
Verkefnastjóri Alþjóðasamstarfs og styrkja.
Hefur yfirsýn yfir þátttöku sviðsins í alþjóðaverkefnum og styrkjamöguleika.
Stuðningur og ráðgjöf við starfsstaði skóla- og frístundasviðs vegna umsókna, umsýslu alþjóðaverkefna og stærri innlendra og erlendra þróunarverkefna.
Kolbrún Hrund Sigurgeirsdóttir
Verkefnastýra Jafnréttisskóla Reykjavíkur.
Ráðgjöf, stuðningur og fræðsla um jafnréttismál til starfsstaða skóla- og
frístundasviðs. Sinnir einnig ráðgjöf og fræðslu til barna í sérstökum tilvikum.
Kolbrún er mannréttindafulltrúi SFS.
Margrét Björnsdóttir
Forstöðumaður skólasafna
Skráir og flokkar nýtt efni, íslenskt og erlent, fyrir skólasöfn grunnskólanna. Veitir ráðgjöf varðandi bókakaup og innkaup annars efnis. Er með ráðgjöf um uppsetningu safnkosts og grisjun úrelts efnis. Miðlar upplýsingum og hugmyndum í safnavinnu og heldur utan um fræðslu- og samráðsfundi fyrir starfsfólk skólasafnanna.