Verkefnið Allir vinir hvílir á þremur grundvallarþáttum; félagsfærni, vináttu og samvinnu og miðar að forvörnum gegn einelti.

Kennarar geta lagt fyrir nemendur könnunarpróf til að meta félagslega stöðu einstaklinga og hópsins sem heildar. Einstaklingsvinnan gengur út á að styrkja jákvæða hegðun og börnin sjálf sem einstaklinga, ásamt því að breyta neikvæðri hegðun eða þeirri hegðun sem skemmir fyrir félagslega. Í vinnunni með hópinn er áhersla á samvinnu, kurteisi, hjálpsemi, umhyggju, vináttu, tillitsemi, umburðarlyndi og fleiri atriði í þessum dúr.

Höfundur efnisins er Vanda Sigurgeirsdóttir.