Um er að ræða myndband um loftslagsbreytingar, endurnýtingu og endurvinnslu þar sem Ævar Þór Benediktsson, Ævar vísindamaður, fer yfir helstu ástæður loftslagsbreytinga í heiminum og mikilvægi þess að við endurnýtum, endurvinnum meira og eyðum minna. Hann setur loftslagsbreytingarnar í samhengi við Barnasáttmála Sameinuðu þjóðanna og hversu mikil áhrif þær hafa á líf barna á jörðinni. Þá má sjá myndbrot úr lífi barna víðs vegar á jörðinni. Myndbandið er 18 mínútur að lengd og á íslensku.