Í þessu myndbandi kynnir Helga Hjördís Lúðvíksdóttir aðstoðarforstöðumaður og Alda Þyrí Þórarinsdóttir frístundaleiðbeinandi í félagsmiðstöðinni Vígyn verkefnið Frístundafræðingur á miðstigi.

Verkefnið fól í sér að búa til stöðu frístundafræðings í þeim tilgangi að efla félagsfærni, sjálfsmynd, veita umhyggju og auka virka þátttöku barna í Engja- og Borgaskóla á aldrinum 10-12 ára. Um er að ræða nýtt verkefni sem ekki hefur verið unnið áður hér á landi svo vitað sé. Fyrirmyndin er hins vegar fengin úr hugmyndafræði og verkefnum sem frístundafræðingar á barnastigi sinna nú í samstarfi frístundaheimilis og skóla víðs vegar um borgina.

Samstarfsverkefnið Frístundafræðingur á miðstigi fékk styrk úr B-hluta þróunarsjóð skóla- og frístundaráðs fyrir skólaárið 2020-2021.