Á vef Reykjavíkurborgar er handbók um hópastarf í félagsmiðstöðvum sem gefin var út af íþrótta- og tómstundasviði Reykjavíkurborgar árið 2008.
Hópastarf er markviss leið til að virkja börn og unglinga til félagslegrar þátttöku. Hópastarf er einnig vel til þess fallið að veita þeim sem á þurfa að halda félagslegan stuðning eða vinna gegn áhættuhegðun.
Í handbókinni er almenn umfjöllun um hugmyndafræði hópastarfs, hvað þarf að hafa í huga þegar það er undirbúið, mikilvæga þætti í hópastarfi og hlutverk leiðbeinandans.
