Fyrsta skrefið er að huga að uppbyggingu þáttarins,  ákveða um hvað hann á að vera og hvað á að koma fram í honum. Þegar dagskráin hefur verið ákveðin í samráði við börnin er hægt að byrja að taka upp. Ef um reglubundin hlaðvarpsþátt er að ræða er best að byrja á því að taka upp þá hluta sem munu koma fyrir í hverjum þætti svo sem upphafsstef eða ávarp og lokastef eða lokaorð.

Hægt er að taka einn hljóðbút upp í einu og þá lagfæra og færa til klippt efni/dagskráliði. Þegar allt efni hefur verið tekið upp er hægt að hefjast handa við eftirvinnslu. Setja má inn ýmis hljóð og stef auk þess sem hægt er að velja skemmtilega tónlist til þess að brjóta upp þáttinn. Þegar þátturinn er tilbúinn er hægt að hlaða honum upp á netið. Ef þættinum er hlaðið upp á hlaðvarpsrás er gott að hafa  í huga að aðgangurinn er opinn og því vert að forðast viðkvæm málefni og full nöfn barnanna.

Hlaðvarp fyrir krakka hjá Borgarbókasafni.