Klúbbastarfhjálparinn er handbók sem ætlað er að veita starfsfólki frístundaheimila og félagsmiðstöðva innblástur til að nýta áhugamál, styrkleika og sérþekkingu sína í starfi. Þegar starfsfólkið nýtir þekkingu sína og styrkleika fær það tækifæri til að hafa áhrif á starf sitt og ýtir undir virka þátttöku í starfi.
Að skipuleggja og setja upp klúbba- eða hópastarf getur reynst flókið og jafnvel erfitt fyrir marga. Handbókin er gerð til þess að auðvelda einstaklingum í frístundastarfi við að skipuleggja klúbb sem að þau hafa áhuga á og vilja framkvæma með börnum og unglingum. Með því að nýta áhugamál sín og styrkleika eru þau að smita frá sér áhuga til þeirra sem sækja starf frístundaheimila og félagsmiðstöðva og ýta undir þátttöku þeirra og fjölbreytni í starfinu.