Í þessu myndbandi sem sýnt var á Menntastefnumótinu 2021 er sagt frá verkefninu Að endurskrifa sögur stríðs í sögur friðar og greina nemendur við stoðdeild Birtu lífssögu sína og segja frá framtíðardraumum sínum. Börnin lesa saman valdar barnasögur frá ýmsum menningarheimum sem koma inn á hluti eins og að taka jákvæðar ákvarðanir, hjálpa öðrum og sýna aðgát. Verkefnið byggist á því að hjálpa innflytjendabörnum, 10-14 ára, að segja frá, greina og endurskrifa lífssögur sínar. Eitt af markmiðum verkefnisins er að hjálpa börnunum að öðlast sjálfstraust og von um bjarta framtíð.