Í þessu erindi segir Bergrún Íris Sævarsdóttir barnabókahöfundur frá sköpunarferli barnabóka og skoðar þær út frá samspili teikninga og texta. Erindið flutti hún á menntastefnumóti 10. maí 2021.

Börn verða myndlæs löngu áður en þau læra að ráða í stafi og orð. Þá sjá börn oft smáatriði í myndum sem fara framhjá hinum textamiðaða fullorðna lesanda. Hvernig geta kennarar nýtt sér myndlýsingar til að þjálfa og efla myndlæsi barna, með það að markmiði að gera nemendur læsa á hinn sjónræna heim? Hvernig skal gæta að höfundarrétti myndhöfunda og má fjölfalda allt? Þurfum við endilega að einblína á textalæsi og getur verið að myndlæsi sé svarið við læsisvanda 21. aldarinnar?