Helgi Reyr Auðarson Guðmundsson er þeirrar skoðunar, eins og eflaust miklu fleira skólafólk, að nemendur eigi að njóta þess að hafa fjölbreytt val í sínu námi. Að þau fái í meiri mæli að velja sjálf hvað þau vilji læra, velji sjálf hvar þau vilji byrja, hvert þau vilja næst, og ekki síst að þau eigi kost á fjölbreyttum leiðum til þess að tjá það sem þau hafa lært. Slík hugsun er hvetjandi til sköpunar og ýta undir að styrkleikar nemenda fái að þroskast.