Við undirbúning lítur nemandinn til baka og velur sér verkefni sem hann telur gott til að sýna styrkleika sinn. Í samtalinu greinir hann foreldri og umsjónarkennara (með aðstoð túlks ef það á við) frá hvers vegna hann valdi þetta verkefni, hver tilgangur þess er, hvaða hæfni var verið að þjálfa og hvað hann veit nú eftir að hafa unnið verkefnið sem hann vissi ekki áður.

Fyrirkomulag nemendastýrðra foreldraviðtalaNemendastýrðu foreldraviðtali er ætlað að virkja og valdefla nemandann með það að markmiði að auka trú hans á eigin getu. Markmiðið er að nemandinn geti haft áhrif á og tjáð sig um nám sitt, viti hvar hann er staddur, hvert hann stefnir og hvað er góður árangur. Nemendastýrð foreldraviðtöl byggja á einum af grunnþáttum menntastefnu Reykjavíkurborgar um sjálfseflingu og hefur að leiðarljósi fagmennsku, samstarf og barnið sem virkan þátttakanda.