Börnin fá einn pennavin sem þau skrifa reglulega til og fá frá honum svar til baka. Þar hafa þau tækifæri til að segja frá sér og sínu lífi, bera frístundaheimilin saman og spjalla um allt milli himins og jarðar. Einnig getur barnahópur sent bréf fyrir hönd frístundaheimilisins til annars frístundaheimilis.

Þegar hópurinn hefur starfað í lengri tíma eða ef um eldri börn er að ræða er hægt að gera klúbbinn meira spennnandi með því að skrifast á við frístundaheimili erlendis eða jafnvel útbúa flöskuskeyti til að ferðast yfir heimshöfin.