Í sögukassanum, -pokanum, -skjóðunni, -töskunni er barnabók og síðan viðbótarefni sem tengist efni bókarinnar, s.s.:
• handbrúður eða aðrar fígúrur
• margs konar hlutir sem tengjast söguþræðinum eða myndir af þeim
• lykilorð
• spil
• hugmyndir að leikjum
• fræðibók

Viðbótarefnið á að dýpka skilninginn á sögunni og orðunum sem eru í henni. Með viðbótarefninu gefst börnunum kostur á að:
• leika söguna með hlutunum
• endursegja söguna með hjálp hlutanna
• …og þegar er fræðibók – að grúska meira og kafa dýpra

Hafið sögukassana, – pokana, -skjóðurnar, -töskurnar einfaldar og aðgengilegar. Það er betra að vera með tvo eða þrjá mismunandi sögukassa,með mismunandi efnivið við sömu bókina, heldur en að vera með einn með alltof miklu viðbótarefni.

Söguskjóður – leikskólinn Krílakot Dalvík 

Sögupokar – leikskólinn Akrar Garðabæ