Í þessu myndbandi er sagt frá þematengdu námi á yngsta stigi í Húsaskóla þar sem unnið er eftir aðferðafræði Byrjendalæsis.

Námsgreinar eru samþættar með áherslu á náttúrufræði, samfélagsfræði, stærðfræði og íslensku. Leitast er við að vinna skapandi verkefni þar sem verkum nemenda er gert hátt undir höfði.

Unnið er í þverfaglegum teymum og nemendahópum þvert á árganga. Komið er til móts við nemendur með fjölbreyttu námi í samræmi við áhuga og hæfileika hvers og eins. Aðferðin eykur þekkingu á samfélagi og náttúru og styður við lýðræðislega þátttöku nemenda.

Helga Kristín Olsen, Katrín Cýrusdóttir og Matthildur M. Björgvinsdóttir kynna.