Leikurinn er þannig að sá sem er að leiða leikinn er með spilin og dregur spil, réttir upp og sýnir hópnum spilið. Spyr svo hvort eru þetta réttindi eða forréttindi? Þá er mikilvægt að spyrja af hverju? Tengja jafnvel við grein og því er gott að hafa Barnasáttmálann nálægt og sýnilegan. Þannig skapast umræður um réttindi barna og forréttindi. Athugið að umræðan sé í takt við aldur og þroska barna. Markmiðið með yngri börnum eru að þau þekki muninn á þessum hugtökum og kynnist þeim nánar. Meðan markmiðið hjá eldri börnum er að skoða forréttindahyggju, neysluhyggju og umhverfisáhrif nánar, ásamt því að þau kynnist hugtökunum nánar.