Starfsfólkið sem tók verkefnið að sér fékk í hendur fræðslupakkann sem Jafnréttisskólinn, Eva Halldóra verkefnastjóri Barnamenningarhátíðar, Emelía verkefnastjóri Borgarleikhússins og Kolbrún Hrund Sigurgeirsdóttir og Maríanna Guðbergsdóttir hjá Jafnréttisskóla Reykjavíkurborgar bjuggu til í sameiningu.

Borgarleikhúsið bauð svo 600 unglingum á rennsli á söngleiknum í febrúar 2024 og mættu unglingarnir á söngleikinn með bros á vör og nutu sýningarinnar. Daginn eftir sýningu hittist hver hópur með sínu starfsfólki og fór í gegnum fræðsluna saman. Þar gafst unglingunum tækifæri til að rýna í þær áskoranir sem birtust í sýningunni, leita lausna við þeim vanda sem blasti við og spegla hann yfir á veruleika unglinga á Íslandi í dag.